Con esta cifra, BFAero alcanza o seu obxectivo de ampliar o seu radio de atracción máis aló do ámbito nacional, reforzando o seu posicionamento como referencia europea en emprendemento aeronáutico e aeroespacial.
Orixe dos proxectos
Proxectos internacionais: sete proceden de países da Unión Europea (Italia, Noruega, Dinamarca, Lituania e Bulgaria, entre outros) e o resto de Arxentina, Malaisia, Turquía, India e Suíza.
Proxectos nacionais: a convocatoria tamén espertou un alto interese: 78 propostas españolas, das cales un 61 % proveñen de comunidades como Cataluña (12), Madrid (11), Andalucía (9), País Vasco (3) ou Canarias (2). Os proxectos galegos representan o 39 % do total, con 30 candidaturas.
Principais áreas temáticas
As iniciativas rexistradas circunscríbense en catro áreas temáticas:
Desenvolvemento de aplicacións dos vehículos non tripulados para mercados concretos, por exemplo emerxencias e protección civil ou a inspección industrial de infraestrutura (56%).
Tecnoloxías aplicadas ao sector satelital (20%).
Creación de plataformas e os seus compoñentes, no que se inclúen estruturas, enerxía, propulsión, sistemas, navegación e pilotaxe (15%).
Proxectos de equipos e sistemas para embarcados ou en terra (10%).
Itinerarios de BFAero
O programa conta con 3 itinerarios, adaptados ao grao de madurez de cada proxecto:
Para a fase de Incubación, a fase temperá, inscribíronse o 40% de proxectos.
En Aceleración, dirixida a proxectos cun Produto Mínimo Viable (PMV) desenvolvido e que están a realizar as súas primeiras vendas, inscribíronse o 45% dos proxectos.
En Consolidación, modalidade deseñada para empresas cun produto ou servizo definido e vendas reais, que buscan escalar o seu negocio, rexistráronse un 15% dos rexistrados.
Mellor aceleradora de España
Recoñecida por segundo ano consecutivo como a mellor aceleradora de España no ranking nacional FUNCAS, BFAero é hoxe unha panca estratéxica de creación e aceleración empresarial no marco da Iniciativa Estratéxica en Seguridade, Defensa e Aeroespazo 2025-2030, impulsada pola Consellería de Economía e Industria.
O programa demostrou un forte impacto tanto económico como industrial en Galicia. Desde a súa posta en marcha no ano 2018, apoiou 58 proxectos, creou 15 novas empresas tecnolóxicas e promoveu o traslado a Galicia de 13 empresas e a creación de máis de 270 empregos cualificados. Os proxectos da 5ª e 6ª edición captaron máis de 14 millóns de euros de investimento.
Kreios Space, Airbus, Telespazio, Avincise Tecnobit participaron nas diferentes xornadas do programa impulsado pola Xunta de Galicia, para achegar o sector aeroespacial á mocidade e ao tecido industrial galego.
A Semana Mundial do Espazo celebrouse do 7 ao 10 de outubro en Galicia cun completo programa de actividades promovido pola Consellería de Economía e Industria, no marco da Iniciativa Estratéxica en Seguridade, Defensa e Aeroespacio. Por primeira vez, a comunidade organizou un programa propio aberto ao público, en liña co lema internacional deste ano: “Vivir no espazo”.
Impulso ao talento e á innovación Durante as diferentes xornadas, desenvoltas nos campus universitarios de Lugo, Santiago, Vigo, Nigrán e Ourense, abordáronse as oportunidades que o sector aeroespacial ofrece en ámbitos como a investigación, a enxeñería ou o emprendemento tecnolóxico.
A startup Kreios Space, participante na aceleradora BFAero, compartiu a súa experiencia no ámbito do emprendemento deep-tech e os motores satelitales durante unha sesión na Facultade de Física da Universidade de Santiago de Compostela.
Pola súa banda, as empresas tractoras de BFAero —Airbus, Telespazio, Avincis e Tecnobit— tiveron un papel destacado en diferentes encontros, achegando ao público os seus proxectos e tecnoloxías punteiras en comunicacións espaciais, defensa, sistemas de navegación ou solucións con drons.
Un espazo para inspirar vocacións O programa incluíu charlas técnicas, mesas redondas, un hackatón e talleres divulgativos nos que participaron estudantes de ESO, Bacharelato, FP e universidade. Estas actividades permitiron descubrir como a exploración espacial contribúe ao progreso científico e tecnolóxico, así como á mellora da vida na Terra.
A Semana Mundial do Espazo serviu ademais para fortalecer a conexión entre universidades, administracións e empresas, e para visibilizar o potencial de Galicia como territorio emerxente no ámbito aeroespacial.
BFAero, motor do ecosistema aeroespacial galego A participación de startups e empresas vinculadas a BFAero nesta cita reforza o papel da Business Factory Aero como eixo vertebrador do ecosistema aeroespacial galego, impulsando a innovación, o talento e a colaboración público-privada ao redor dun sector estratéxico para o futuro de Galicia.
A Business Factory Aero (BFAero), a incubadora e aceleradora de empresas promovida pola Xunta de Galicia, a través do Instituto Galego de Promoción Económica (IGAPE) e XesGalicia, lanza a súa 7ª edición. O programa impulsa servizos e tecnoloxías innovadoras para os sectores aeronáutico, aeroespacial e de vehículos non tripulados, atraendo novos investimentos e fortalecendo así o ecosistema empresarial de Galicia.
Aspectosdiferenciais de BFAero
A 7ª edición de BFAero conta cunha serie de aspectos clave que a converten nunha aceleradora única dentro do sector aeronáutico e aeroespacial. O seu enfoque especializado, os recursos dispoñibles e a súa conexión co mercado global diferénciana doutras iniciativas similares, ofrecendo a emprendedores unha contorna ideal para o desenvolvemento e consolidación dos seus proxectos.
Os seus principais aspectos diferenciais son:
1.Vertical aeronáutica e aeroespacial que ofrece unha contorna adaptada con mentores, recursos e sinerxias entre proxectos.
2. Enfoque a mercado, os proxectos oriéntanse a resolver problemas reais do sector, o que lles permite atopar unha saída comercial.
3. Amplo catálogo de medios e recursos avanzados, que facilitan o desenvolvemento áxil de solucións tecnolóxicas.
4. Respaldo dun ecosistema aberto de innovación. A colaboración con axentes públicos e privados no sector aeroespacial e os vehículos non tripulados, favorece as sinerxias entre os proxectos e as institucións.
5. Apoio ao ciclo completo dos proxectos de emprendemento. BFAero ofrece tres modalidades de apoio (incubación, aceleración e consolidación), cubrindo todas as etapas do emprendemento, desde a ideación ata a consolidación do negocio.
6. Alcance internacional. Recibe proxectos de todo o mundo e apoia a súa internacionalización, axudando a acceder a mercados globais.
7. Atracción de inversión. Fomenta o achegamento dos proxectos a entidades de investimento públicas e privadas, que poidan achegarlles capacidades de desenvolvemento adicionais, así como acceso a relacións de colaboración e a novos mercados.
Que ofrece a 7ª Edición?
BFAero ofrece aos proxectos mentores expertos en áreas como aeronáutica, normativa UAV, propiedade intelectual, xestión empresarial ou márketing para transformar startups en empresas innovadoras, viables e escalables dentro do sector aeronáutico e aeroespacial.
A aceleradora ofrece aos participantes un ecosistema único con formación especializada, asesoramento experto, networking, acceso a investidores e espazos de traballo no Pazo de Feiras de Lugo, preto do aeródromo de Rozas e o Centro de Investigación Aeroportada de Rozas (CIAR). Ademais, proporciona apoio financeiro a través de subvencións, préstamos participativos e posibles investimentos en capital, garantindo así o crecemento sostible dos proxectos.
O programa tamén prestará asesoramento personalizado e adaptado a cada proxecto mediante titorías técnicas e de xestión, colaboracións no sector e visibilidade e difusión en medios de comunicación e redes sociais, así como a través dos diferentes actos e eventos organizados no marco do programa.
Impacto económico e industrial da mellor aceleradora de España
BFAero, mellor aceleradora de España por segundo ano consecutivo segundo a clasificación de Funcas demostrou un forte impacto tanto económico como industrial en Galicia. Xestionada pola Fundación CEL Iniciativas por Lugo (FCEL), desde a súa posta en marcha no ano 2018, apoiou 58 proxectos, creou 15 novas empresas tecnolóxicas e promoveu o traslado a Galicia de 13 empresas mobilizando máis de 9,2 millóns de euros en investimento, e facilitando a creación de máis de 230 empregos cualificados. A sexta edición pechou a convocatoria cun récord de 110 iniciativas rexistradas, das que un 57% proceden de emprendedores nacionais e internacionais.
Galicia consolidouse como un dos principais polos de innovación no sector aeroespacial no Estado, cun ecosistema dinámico que integran máis de 55 entidades públicas e privadas, entre empresas tractoras, universidades e centros de investigación, empresas do sector e investidores, unidas para impulsar solucións tecnolóxicas que respondan os retos desta industria e da sociedade.
Recentemente, a Consellería de Economía e Industria puxo en marcha unha Iniciativa Estratéxica en Seguridade, Defensa e Aeroespazo 2025-2030 en colaboración con todo o sector, co obxectivo de impulsar o ecosistema actual e fortalecer as capacidades produtivas que Galicia ten neste ámbito. A BFAero enmárcase nesta estratexia como panca para a creación e aceleración de novas empresas.
Itinerarios e financiamento
O programa conta con 3 itinerarios, adaptados ao grao de madurez de cada proxecto. Incubación, para a fase temperá, sen unha proposta de valor validada cunha duración de ata 12 meses. Aceleración, dirixida a proxectos cun Produto Mínimo Viable (PMV) desenvolvido e que están a realizar as súas primeiras vendas, durante 8 meses. E Consolidación, modalidade deseñada para empresas cun produto ou servizo definido e vendas reais, que buscan escalar o seu negocio, cunha duración de ata 6 meses.
Na fase de Incubación as startups terán acceso a un financiamento de ata 40.000 euros a través do Instituto Galego de Promoción Económica (Igape) a fondo perdido. Os proxectos en Aceleración contarán cun financiamento do Igape de ata 60.000 euros a fondo perdido e a posibilidade dunha participación en capital mediante un préstamo participativo de ata 50.000 euros, con opción a capitalización a través de Xesgalicia, o vehículo investidor da Xunta de Galicia.
As empresas en fase de Consolidación poderán acceder a ata 30.000 euros a través do Igape a fondo perdido. No caso de que a empresa así o solicite, e no marco dunha rolda de financiamento, poderase valorar unha participación directa no capital da compañía de ata 250.000 euros.
Calendario e fases do programa
A 7ª edición de BFAero segue un calendario estruturado en distintas fases crave, comezando con a convocatoria e o proceso de inscrición, que estará aberto ata o 30 de outubro de 2025. Só serán consideradas aquelas solicitudes enviadas seguindo as bases, dentro do prazo e a través da canle adecuada, e que cubrisen integramente a totalidade do cuestionario. Tras o peche de inscricións, iniciarase a fase de selección, na que se avaliarán as candidaturas e elixiranse os proxectos que ingresarán no programa.
Os seleccionados pasarán a a fase de ingreso, na que dispoñerán de 1 mes para achegar a documentación que se lles requira, asinar os acordos debidos e realizar outros trámites relacionados coa súa entrada en BFAero. Unha vez formalizado o seu acceso, comezarán as fases de incubación, aceleración e consolidación.
A startup participante na BFAero, Kreios Space, fundada en 2021 e especializada en satélites de moi baixa órbita (VLEO, polas súas siglas en inglés), pechou unha rolda de investimento semente sobresuscrita de 8 millóns de euros. Liderada por NATO Innovation Fund (fondo de innovación da OTAN) e por Join Capital, convértese na maior rolda de financiamento europeo de tecnoloxías VLEO. A operación tamén contou co respaldo de investidores que xa apoiaran á compañía na súa rolda pre-semente de 2024, entre eles Xesgalicia, Grow Venture Partners e Tasivia Global.
Trátase do primeiro investimento do fondo da OTAN nunha empresa española, un fito que sitúa a Galicia no mapa da innovación aeroespacial europea e reforza a súa aposta estratéxica pola defensa e a seguridade como motor de emprego cualificado. Isto supón un recoñecemento á estratexia que a Comunidade Autónoma impulsou nos últimos anos para consolidarse como hub de innovación aeroespacial en Europa. Iniciativas da Xunta de Galicia como a BFAero ou os apoios do IGAPE ao novo centro de probas en baleiro, así como o talento da Universidade de Vigo, son pezas crave nun ecosistema que xa compite a nivel internacional.
Fundada en 2021 por Adrián Senar, Jan Mataró, Francisco Boira, Adrià Barceló, Max Amer e Francisco Bosch, Kreios desenvolve satélites que orbitan máis baixo do normal, en VLEO, impulsados polo seu sistema de propulsión propio. Este sistema, baseado na tecnoloxía ABEP (Air-Breathing Electric Propulsion), permite operar a uns 200 quilómetros da Terra, unha altitude que antes se consideraba imposible debido á resistencia atmosférica. Utilizando o propio aire atmosférico como combustible, os satélites de Kreios poden permanecer en órbita durante anos en lugar de días, desbloqueando unha rexión espacial con enormes implicacións para a defensa, a conectividade e a soberanía.
Os satélites VLEO capturan imaxes cunha resolución tres veces superior á dos satélites actuais, ofrecendo beneficios en aplicacións que van desde a detección de incendios ata a protección de infraestruturas críticas. A súa proximidade á Terra tamén permite comunicacións de banda ancha directas ao dispositivo sen antenas voluminosas, facilitando así o camiño para unha conectividade verdadeiramente global e resiliente. Para Europa e a OTAN, o control desta tecnoloxía fortalece a independencia operativa, reduce a dependencia a Estados Unidos e apoia as ambicións de desenvolver capacidades espaciais soberanas. Desde Vigo, Kreios Space aspira a ser a primeira empresa capaz de manter satélites en VLEO de forma indefinida.
Galicia no mapa internacional do espazo Kreios Space, conta actualmente con 17 empregados, dos cales a metade son galegos, algúns deles retornados tras desenvolver as súas carreiras fóra. O 80% das contratacións corresponden a enxeñeiros e técnicos altamente cualificados, e a compañía ten abertos sete postos máis en Vigo.
O papel e o apoio institucional da Xunta de Galicia foron determinantes para o I+D de Kreios Space. Adrián Senar, CEO e cofundador de Kreios Space, destaca: “Xesgalicia foi un actor crave para o noso crecemento. Ademais de ser un dos primeiros investidores en Kreios, abriunos a porta ao ecosistema público e de innovación galego. Grazas a ese apoio, que comezou coa aceleradora BFAero, esencial para nós, trasladámonos a Vigo e hoxe temos aquí todo o noso centro de desenvolvemento tecnolóxico. Esta rolda non só valida a nosa tecnoloxía, tamén demostra que Galicia conta co talento, as capacidades e o apoio institucional necesarios para converterse en referente mundial no sector aeroespacial”.
A compañía recalca o apoio do IGAPE, que cofinanciou a cámara de baleiro implantada nas súas instalacións. Esta infraestrutura permite realizar probas de satélites e iteracións a diario, acelerando o desenvolvemento da tecnoloxía e reducindo prazos de anos a semanas. Ademais, está dispoñible para outras empresas que necesiten validar proxectos en condicións sen carga, converténdose nun gran recurso para o ecosistema rexional.
De igual modo, as universidades galegas son un socio estratéxico para Kreios. Especialmente a Universidade de Vigo, coa que mantén programas de prácticas, contratos conxuntos de desenvolvemento en execución como o Proxecto Ícaro da Axencia Espacial Española para a detección e prevención de incendios vía satélite, ademais dunha colaboración constante para captar e formar talento.
“Galicia leva moito tempo apostando polo sector espacial, tendo empresas punteiras como Alén Space e UARX. Este fito é unha mostra máis de que o polo aeroespacial galego estase posicionado como un actor crave a nivel internacional”, subliña Senar.
A rolda, sumada aos 2,3 millóns de euros recadados en 2024, financiará os dous primeiros satélites de proba da compañía, incluíndo a primeira demostración en órbita do mundo dun motor ABEP. A partir de aí, Kreios expandirase cara ao despregamento comercial e o desenvolvemento de constelacións dedicadas á observación da Terra e as comunicacións directas aos teléfonos.
A conselleira de Economía e Industria, María Jesús Lorenzana, puxo en valor o papel das startups como un modelo viable, innovador e con futuro para Galicia, e subliñou o compromiso da Xunta para reforzar o seu apoio desde todos os ámbitos institucionais.
Lorenzana, visitou en Nigrán as instalacións da empresa Vig-Sec Drone, unha startup especializada en servizos operativos con drons, instrución de pilotos que requiren de capacidades especiais, e desenvolvemento de software para a xestión de operacións de apoio á seguridade e ás emerxencias. Durante a visita destacou que o Goberno galego está a traballar man a man co sector privado para facer realidade proxectos que transformen a industria galega.
Vig-Sec Drone uniuse a Business Factory Aeroen 2023 para o impulso do Suit ACRE (Área de Control Restrinxido de Emerxencias), a través do itinerario de aceleración. Trátase dun software de xestión do espazo aéreo que permite o uso simultáneo de aeronaves tripuladas e non tripuladas en casos de emerxencias como poden ser incendios, catástrofes naturais ou en intervencións militares.
Na actualidade, a compañía participa na sexta edición de BFAero, no itinerario de consolidación.
Para ofrecer las mejores experiencias, utilizamos tecnologías como las cookies para almacenar y/o acceder a la información del dispositivo. El consentimiento de estas tecnologías nos permitirá procesar datos como el comportamiento de navegación o las identificaciones únicas en este sitio. No consentir o retirar el consentimiento, puede afectar negativamente a ciertas características y funciones.
Funcional
Always active
El almacenamiento o acceso técnico es estrictamente necesario para el propósito legítimo de permitir el uso de un servicio específico explícitamente solicitado por el abonado o usuario, o con el único propósito de llevar a cabo la transmisión de una comunicación a través de una red de comunicaciones electrónicas.
Preferencias
El almacenamiento o acceso técnico es necesario para la finalidad legítima de almacenar preferencias no solicitadas por el abonado o usuario.
Estadísticas
El almacenamiento o acceso técnico que es utilizado exclusivamente con fines estadísticos.El almacenamiento o acceso técnico que se utiliza exclusivamente con fines estadísticos anónimos. Sin un requerimiento, el cumplimiento voluntario por parte de tu proveedor de servicios de Internet, o los registros adicionales de un tercero, la información almacenada o recuperada sólo para este propósito no se puede utilizar para identificarte.
Marketing
El almacenamiento o acceso técnico es necesario para crear perfiles de usuario para enviar publicidad, o para rastrear al usuario en una web o en varias web con fines de marketing similares.
