A empresa integrada en Business Factory Aero (BFAero), Vig-Sec Drone, pechou con éxito unha rolda de investimento dun millón de euros, un fito clave que permitirá impulsar os seus plans de negocio, acelerar a automatización da súa tecnoloxía e reforzar a súa expansión internacional.
Este avance reflicte non só a solidez do proxecto de Vig-Sec Drone, senón tamén o valor de BFAerocomo plataforma que facilita ás startups o acceso a entidades de investimento públicas e privadas, conectando talento, tecnoloxía e capital para acelerar a súa chegada ao mercado.
Unha tecnoloxía madura, validada en operacións reais
Vig-Sec Drone está especializada na xestión avanzada do espazo aéreo e na integración segura de drons en contornos críticos, tanto civís como militares. A súa solución Suite ACRE (Área de Control Restringido de Emerxencias) é un sistema Emergency UTM de aplicación dual capaz de monitorizar e reconfigurar o espazo aéreo en tempo real, integrando aeronaves tripuladas, drons e sensores terrestres ou marítimos nun único contorno operativo.
A tecnoloxía da compañía xa foi validada en escenarios reais de alta esixencia, acadando fitos inéditos en España, como a coordinación de drons con helicópteros do Ministerio de Defensa en misións críticas. Ademais, participou en exercicios multinacionais en Eslovaquia xunto á BRILAT, demostrando a interoperabilidade da súa plataforma en contornos aliados, e foi seleccionada no exercicio ATLAS 25 como unha das empresas responsables da xestión simultánea de aeronaves tripuladas e non tripuladas.
Intelixencia artificial e expansión internacional
Grazas a esta rolda de investimento, Vig-Sec Drone impulsará unha nova fase de desenvolvemento centrada na incorporación de intelixencia artificial embarcada, orientada a anticipar conflitos aéreos, optimizar rutas e resolver situacións de risco en tempo real. Todo isto baixo un modelo ‘man in the loop’, que garante a supervisión humana, a trazabilidade e o rigor operativo en misións críticas.
A compañía continuará aliñando a súa plataforma cos estándares da OTANe da EASA, un paso clave para facilitar a súa adopción en ecosistemas europeos e aliados, e participará no programa Fuerza 2035, que avalía as tecnoloxías que definirán o futuro operativo da Defensa.
BFAero: conectando innovación e financiamento
Con sedes en Lugo e Nigrán, e cun crecemento que a levou de dous fundadores en 2022 a máis de 17 profesionais, Vig-Sec Drone afronta esta nova etapa co obxectivo de converterse nun estándar global para a xestión segura do espazo aéreo.
Este logro pon de manifesto o papel de Business Factory Aero como ecosistema tractor de innovación, que acompaña os proxectos non só no seu desenvolvemento tecnolóxico, senón tamén no acceso a financiamento estratéxico, clave para escalar, consolidar modelos de negocio e competir en mercados internacionais de alta esixencia.
Galicia, un ecosistema clave para a innovación aeroespacial
Telespazio decidiu apostar por Galicia en 2020, atraída polo Polo Aeroespacial de Rozas e o sólido ecosistema de innovación formado por centros tecnolóxicos, universidades, pemes e startups. “Se non existise ese ecosistema sólido, probablemente non apostariamos por Galicia”, destacou Hernández.
A compañía participou activamente na Civil UAV Initiative, desenvolvendo xunto á Xunta de Galicia aplicacións que combinan tecnoloxía satelital e operación de drons. Entre elas destacan proxectos para a catalogación de poboacións mariñas, o control de especies invasoras, a vixilancia da biodiversidade e o inventario forestal de alta resolución para a prevención de incendios.
Centro de excelencia e expansión futura
Grazas a este traballo conxunto, Telespazio Ibérica foi recoñecida dentro do grupo como centro de excelencia en drons e tecnoloxías combinadas, con vocación internacional.
Actualmente, a oficina galega conta con 15 profesionais, pero a previsión é triplicar o persoal ata medio centenar en cinco anos. Ademais, a firma non descarta adquirir startups galegas e reforzar a súa colaboración con empresas incubadas en Business Factory Aero, como Kreios e UARX Space, coas que desenvolve proxectos de innovación espacial.
Horizonte espacial e compromiso con Galicia
O futuro de Telespazio na comunidade pasa por consolidar a comercialización das súas solucións, seguir innovando sobre os servizos existentes e abrir novas liñas de negocio no ámbito espacial. Hernández resalta a importancia do talento universitario galego e o compromiso a longo prazo coa Xunta de Galicia, no marco do novo Plan Aeroespacial.
“Sentimos moi cómodos porque forma parte do noso ADN: innovar en colaboración co ecosistema galego”, conclúe Hernández.
A startup participante na BFAero, Kreios Space, fundada en 2021 e especializada en satélites de moi baixa órbita (VLEO, polas súas siglas en inglés), pechou unha rolda de investimento semente sobresuscrita de 8 millóns de euros. Liderada por NATO Innovation Fund (fondo de innovación da OTAN) e por Join Capital, convértese na maior rolda de financiamento europeo de tecnoloxías VLEO. A operación tamén contou co respaldo de investidores que xa apoiaran á compañía na súa rolda pre-semente de 2024, entre eles Xesgalicia, Grow Venture Partners e Tasivia Global.
Trátase do primeiro investimento do fondo da OTAN nunha empresa española, un fito que sitúa a Galicia no mapa da innovación aeroespacial europea e reforza a súa aposta estratéxica pola defensa e a seguridade como motor de emprego cualificado. Isto supón un recoñecemento á estratexia que a Comunidade Autónoma impulsou nos últimos anos para consolidarse como hub de innovación aeroespacial en Europa. Iniciativas da Xunta de Galicia como a BFAero ou os apoios do IGAPE ao novo centro de probas en baleiro, así como o talento da Universidade de Vigo, son pezas crave nun ecosistema que xa compite a nivel internacional.
Fundada en 2021 por Adrián Senar, Jan Mataró, Francisco Boira, Adrià Barceló, Max Amer e Francisco Bosch, Kreios desenvolve satélites que orbitan máis baixo do normal, en VLEO, impulsados polo seu sistema de propulsión propio. Este sistema, baseado na tecnoloxía ABEP (Air-Breathing Electric Propulsion), permite operar a uns 200 quilómetros da Terra, unha altitude que antes se consideraba imposible debido á resistencia atmosférica. Utilizando o propio aire atmosférico como combustible, os satélites de Kreios poden permanecer en órbita durante anos en lugar de días, desbloqueando unha rexión espacial con enormes implicacións para a defensa, a conectividade e a soberanía.
Os satélites VLEO capturan imaxes cunha resolución tres veces superior á dos satélites actuais, ofrecendo beneficios en aplicacións que van desde a detección de incendios ata a protección de infraestruturas críticas. A súa proximidade á Terra tamén permite comunicacións de banda ancha directas ao dispositivo sen antenas voluminosas, facilitando así o camiño para unha conectividade verdadeiramente global e resiliente. Para Europa e a OTAN, o control desta tecnoloxía fortalece a independencia operativa, reduce a dependencia a Estados Unidos e apoia as ambicións de desenvolver capacidades espaciais soberanas. Desde Vigo, Kreios Space aspira a ser a primeira empresa capaz de manter satélites en VLEO de forma indefinida.
Galicia no mapa internacional do espazo Kreios Space, conta actualmente con 17 empregados, dos cales a metade son galegos, algúns deles retornados tras desenvolver as súas carreiras fóra. O 80% das contratacións corresponden a enxeñeiros e técnicos altamente cualificados, e a compañía ten abertos sete postos máis en Vigo.
O papel e o apoio institucional da Xunta de Galicia foron determinantes para o I+D de Kreios Space. Adrián Senar, CEO e cofundador de Kreios Space, destaca: “Xesgalicia foi un actor crave para o noso crecemento. Ademais de ser un dos primeiros investidores en Kreios, abriunos a porta ao ecosistema público e de innovación galego. Grazas a ese apoio, que comezou coa aceleradora BFAero, esencial para nós, trasladámonos a Vigo e hoxe temos aquí todo o noso centro de desenvolvemento tecnolóxico. Esta rolda non só valida a nosa tecnoloxía, tamén demostra que Galicia conta co talento, as capacidades e o apoio institucional necesarios para converterse en referente mundial no sector aeroespacial”.
A compañía recalca o apoio do IGAPE, que cofinanciou a cámara de baleiro implantada nas súas instalacións. Esta infraestrutura permite realizar probas de satélites e iteracións a diario, acelerando o desenvolvemento da tecnoloxía e reducindo prazos de anos a semanas. Ademais, está dispoñible para outras empresas que necesiten validar proxectos en condicións sen carga, converténdose nun gran recurso para o ecosistema rexional.
De igual modo, as universidades galegas son un socio estratéxico para Kreios. Especialmente a Universidade de Vigo, coa que mantén programas de prácticas, contratos conxuntos de desenvolvemento en execución como o Proxecto Ícaro da Axencia Espacial Española para a detección e prevención de incendios vía satélite, ademais dunha colaboración constante para captar e formar talento.
“Galicia leva moito tempo apostando polo sector espacial, tendo empresas punteiras como Alén Space e UARX. Este fito é unha mostra máis de que o polo aeroespacial galego estase posicionado como un actor crave a nivel internacional”, subliña Senar.
A rolda, sumada aos 2,3 millóns de euros recadados en 2024, financiará os dous primeiros satélites de proba da compañía, incluíndo a primeira demostración en órbita do mundo dun motor ABEP. A partir de aí, Kreios expandirase cara ao despregamento comercial e o desenvolvemento de constelacións dedicadas á observación da Terra e as comunicacións directas aos teléfonos.
A startup Kreios Space foi galardoada nos Premios EmprendeXXI como a de maior impacto en Galicia. Con sede en Lugo e instalacións en Vigo, esta empresa dedicada ao sector aeroespacial participou na quinta edición do programa Business Factory Aero (BFAero), iniciativa que forma parte da rede de aceleradoras da Xunta de Galicia.
Kreios Space desenvolve sistemas de propulsión eléctricos e sostibles para satélites. A súa innovadora tecnoloxía, ABEP (Air-Breathing Electric Propulsion), permite reducir as órbitas actuais nas que operan os satélites, diminuíndo o custo das misións e a xeración de lixo especial, á vez que incrementan o tempo de vida deste tipo de vehículos.
Recoñecemento á innovación
Os Premios EmprendeXXI destacan o espírito emprendedor das startups que xeran un maior impacto no seu territorio e ofrecen as mellores solucións aos desafíos do futuro. Impulsados polo Ministerio de Industria e Turismo, a través de Enisa, e CaixaBank, a través de DayOne, a súa división especializada en empresas tecnolóxicas e os seus investidores, en Galicia contan co apoio do Igape.
Kreios Space foi distinguido fronte a outras 31 candidaturas que se presentaron na última edición dos galardóns de Galicia. A startup recibe un premio en metálico de 6.000 euros, acceso a un programa de formación Moonshot Thinking en colaboración con ESADE e tamén viaxará a Berlín para completar o acompañamento internacional nunha iniciativa organizada co ICEX.
Ademais, Kreios Spacie poderá participar nos Investors Day EmprendeXXI, xornadas durante as cales poderá manter contacto co ecosistema investidor e empresas interesadas en colaborar co emprendemento.
Doutra banda, a compañía formará parte da comunidade AlumniXXI, que se consolidou como un punto de encontro para o intercambio de coñecementos, ideas e experiencias entre as e os fundadores das empresas premiadas ao longo da historia dos Premios EmprendeXXI. Trátase dunha iniciativa que combina unha comunidade virtual e encontros presenciais que axuda a reforzar vínculos e crear sinerxias entre as persoas premiadas e o ecosistema emprendedor e da innovación.
Un ecosistema de innovación dinámico
Kreios Space, que se trasladou a Galicia tras o seu paso pola quinta edición de BFAero, contou co apoio dun equipo de titores e expertos no sector aeronáutico, aeroespacial e de vehículos non tripulados, e accedeu a early adopters e clientes e a entidades investidoras públicas e privadas.
Nas últimas cinco edicións, Galicia foi capaz de consolidar un ecosistema de innovación dinámico e robusto no que participan máis de 55 entidades que cooperan co obxectivo de dar resposta ás necesidades dos emprendedores da industria aeroespacial e aeronáutica, tecendo unha rede de colaboración para o impulso e escalado de tecnoloxías disruptivas que resolvan retos das empresas e da sociedade.
A pegada industrial que xerou a BFAero tradúcese en tres ámbitos. Xunto á creación de novas empresas, 46 en total desde 2018, o programa impulsou a consolidación dun operador de referencia no sector, como é o caso de Aeromedia, e propiciou tamén o traslado a Galicia da sede de startups como Kreios Space e FuVex.
Para ofrecer las mejores experiencias, utilizamos tecnologías como las cookies para almacenar y/o acceder a la información del dispositivo. El consentimiento de estas tecnologías nos permitirá procesar datos como el comportamiento de navegación o las identificaciones únicas en este sitio. No consentir o retirar el consentimiento, puede afectar negativamente a ciertas características y funciones.
Funcional
Sempre activo
El almacenamiento o acceso técnico es estrictamente necesario para el propósito legítimo de permitir el uso de un servicio específico explícitamente solicitado por el abonado o usuario, o con el único propósito de llevar a cabo la transmisión de una comunicación a través de una red de comunicaciones electrónicas.
Preferencias
El almacenamiento o acceso técnico es necesario para la finalidad legítima de almacenar preferencias no solicitadas por el abonado o usuario.
Estadísticas
El almacenamiento o acceso técnico que es utilizado exclusivamente con fines estadísticos.El almacenamiento o acceso técnico que se utiliza exclusivamente con fines estadísticos anónimos. Sin un requerimiento, el cumplimiento voluntario por parte de tu proveedor de servicios de Internet, o los registros adicionales de un tercero, la información almacenada o recuperada sólo para este propósito no se puede utilizar para identificarte.
Marketing
El almacenamiento o acceso técnico es necesario para crear perfiles de usuario para enviar publicidad, o para rastrear al usuario en una web o en varias web con fines de marketing similares.
