A empresa galega Vig-Sec Drone, participante nos itinerarios de Aceleración da 5.ª edición e Consolidación da 6.ª edición da Business Factory Aero (BFAero), foi seleccionada pola aceleradora tecnolóxica DIANA (Defence Innovation Accelerator for the North Atlantic) para participar na súa fase Mission Track (fase orientada á adopción operacional), só 15 compañías da cohorte 2026, formada por 150 innovadores seleccionados entre máis de 3.600 propostas, accederon a esta nova fase do programa.
A compañía participa con Suite ACRE, unha plataforma tecnolóxica desenvolvida para a xestión e coordinación táctica do espazo aéreo de media e baixa cota, que permite integrar nunha mesma capa de coordinación a información procedente de drons propios, sistemas antidron (C-UAS) e outros medios aéreos.
Mission Track é a fase de continuación do programa de aceleración de NATO DIANA dirixida a tecnoloxías que demostraron un forte interese para a defensa e unha clara aliñación con necesidades operativas dos países aliados. O seu obxectivo é achegar as solucións seleccionadas á preparación operacional e facilitar vías para a súa adopción a escala.
As compañías seleccionadas poden acceder a ata 300.000 euros de financiamento contractual adicional de carácter non dilutivo, alén de continuar utilizando a rede de centros de probas de NATO DIANA e recibir apoio específico para avanzar nos seus procesos de adopción e escalado.
Validación en contornas operativas internacionais
En paralelo a este novo avance dentro de NATO DIANA, Suite ACRE participa durante estas semanas en REPMUS26, exercicio multinacional dedicado á experimentación e integración de sistemas non tripulados que se desenvolve en Troia e Sesimbra, Portugal, entre o 31 de agosto e o 25 de setembro.
O exercicio reúne a 36 países e máis de 130 empresas provedoras de tecnoloxía dual para a OTAN, alén de organismos como a European Defence Agency (EDA) e a European Maritime Safety Agency (EMSA), e constitúe unha contorna de referencia para probar a interoperabilidade de novas tecnoloxías aplicadas a escenarios operativos.
Segundo comunicou Vig-Sec Drone, Suite ACRE está a ser utilizada durante o exercicio para a coordinación do espazo aéreo de media e baixa cota, reforzando a validación da plataforma en escenarios internacionais de elevada esixencia operativa.
Unha traxectoria vinculada a BFAero
Fundada en Galicia en 2019, Vig-Sec Drone desenvolveu unha traxectoria vinculada ao ecosistema galego de innovación e emprendemento tecnolóxico. A compañía participou en BFAero, dentro dos itinerarios de Aceleración da 5.ª edición e Consolidación da 6.ª edición, etapas nas que puido impulsar o desenvolvemento e crecemento do seu proxecto dentro dunha contorna especializada nos sectores aeronáutico, aeroespacial e de vehículos non tripulados.
A súa evolución reflicte o potencial dos proxectos apoiados por BFAero para avanzar desde o desenvolvemento tecnolóxico ata a validación operacional, a conexión con grandes actores do sector e a expansión cara a mercados internacionais.
Actualmente, Suite ACRE conta con máis de 2.000 usuarios e está presente en organismos públicos, axencias de emerxencias e unidades das Forzas Armadas. A plataforma xa participou en exercicios nacionais e internacionais como ATLAS, Steadfast Dart e Spring Storm, e a finais de setembro estará tamén presente en Drone Shield 2026, en República Checa.
A participación en REPMUS26 e a selección para Mission Track de NATO DIANA representan así dous fitos dentro da traxectoria internacional de Vig-Sec Drone e poñen de manifesto a capacidade das empresas vinculadas ao ecosistema BFAero para desenvolver solucións tecnolóxicas con aplicación internacional en sectores estratéxicos.
Business Factory Aero, promovida pola Xunta de Galicia a través de IGAPE e XesGalicia e xestionada pola Fundación CEL Iniciativas por Lugo, acompaña proxectos dos sectores aeronáutico, aeroespacial e de vehículos non tripulados nas súas fases de incubación, aceleración e consolidación. A 8.ª convocatoria de BFAero está aberta a novos proxectos e empresas que queiran desenvolver e escalar as súas solucións dentro deste ecosistema especializado.
A Business Factory Aero (BFAero), a incubadora e aceleradora de empresas promovida pola Xunta de Galicia, a través do Instituto Galego de Promoción Económica (IGAPE) e XesGalicia, lanza a súa 8ª edición co propósito de impulsar proxectos que proporcionen unha resposta innovadora aos desafíos actuais desta industria.
O seu enfoque especializado nos sectores aeronáutico, aeroespacial e de vehículos non tripulados e a súa conexión coa industria diferencian á BFAero doutras iniciativas, proporcionando unha contorna competitiva para o desenvolvemento de proxectos.
Desde a súa posta en marcha de 2019, apoiou 49 novos proxectos, máis do 80% deles continúan activos e crecendo. Estas compañías xeraron máis de 320 empregos cualificados e máis de 28 millóns de euros de volume de negocio anual.
Nas dúas últimas edicións, as empresas de BFAero captaron máis de 14 millóns de euros, con preto do 70% procedente de capital privado, o que confirma a capacidade do programa para transformar tecnoloxías estratéxicas en compañías con atractivo investidor.
Da tecnoloxía ao mercado
A oitava edición de BFAero ofrece aos proxectos mentores expertos en áreas como aeronáutica, normativa UAV, propiedade intelectual, xestión empresarial ou mercadotecnia para transformar startups en empresas innovadoras, viables e escalables dentro do sector aeronáutico e aeroespacial.
A aceleradora conecta aos proxectos cun ecosistema único vinculado a empresas tractoras como Airbus, Telespazio ou Avincis e máis de 55 entidades entre centros tecnolóxicos, universidades e empresas do sector coas que promove un networking empresarial proactivo. Ademais, facilita espazos de traballo no Pazo de Feiras de Lugo, preto do aeródromo de Rozas e o Centro de Investigación Aeroportada de Rozas (CIAR).
Ata 250.000€ de financiamento
O programa dispón de 3 itinerarios, adaptados ao grao de madurez de cada proxecto. Incubación, para a fase temperá, sen unha proposta de valor validada cunha duración de ata 12 meses. Aceleración, dirixida a proxectos cun Produto Mínimo Viable (PMV) desenvolvido e que están a realizar as súas primeiras vendas, durante 8 meses. E Consolidación, modalidade deseñada para empresas cun produto ou servizo definido e vendas reais, que buscan escalar o seu negocio, cunha duración de ata 6 meses.
Na fase de Incubación as startups terán acceso a un financiamento de ata 40.000 euros a través do Instituto Galego de Promoción Económica (Igape) a fondo perdido. Os proxectos en Aceleración contarán cun financiamento do Igape de ata 60.000 euros a fondo perdido e a posibilidade dunha participación en capital mediante un préstamo participativo de ata 50.000 euros, con opción a capitalización a través de Xesgalicia, o vehículo investidor da Xunta de Galicia.
As empresas en fase de Consolidación poderán acceder a ata 30.000 euros a través do Igape a fondo perdido. No caso de que a empresa así o solicite, e no marco dunha rolda de financiamento, poderase valorar unha participación directa no capital da compañía de ata 250.000 euros.
A empresa Arzeos Aircraft, integrada no ecosistema da Business Factory Aero (BFAero), iniciou as probas de voo da súa aeronave ultralixeira biprazas Z01, unha fito clave no desenvolvemento dun proxecto aeronáutico deseñado e fabricado desde Galicia.
Para iso, a startup dispón dunha bolsa de servizos tecnolóxicos para o acceso ás infraestruturas do Centro de Investigación Aeroportada de Rozas (CIAR), situado no aeródromo de Rozas en Castro de Rei (Lugo). Este centro é unha iniciativa conxunta do Instituto Nacional de Técnica Aeroespacial (INTA) e a Xunta de Galicia.
Con sede en Silleda (Pontevedra), Arzeos deseña, fabrica e comercializa aeronaves ultraligeras biprazas pilotadas, cunha proposta de valor baseada na innovación, a seguridade, as prestacións e o confort, incorporando solucións tecnolóxicas propias tanto no deseño da aeronave como nos seus sistemas.
Unha fito clave no desenvolvemento do Z01
O inicio das probas de voo supón un avance significativo para Arzeos e achega o proxecto aos seus seguintes obxectivos. A compañía traballa actualmente no camiño cara á certificación do Z01, paso necesario para avanzar posteriormente cara á súa produción e comercialización.
Este avance chega acompañado dunha crecente proxección internacional. En abril de 2026, Arzeos presentou o Z01 en AERO Friedrichshafen, unha das principais feiras internacionais de aviación xeral, mostrando a evolución da súa aeronave ante profesionais e potenciais clientes do sector.
Da incubación á consolidación en BFAero
A evolución de Arzeos tamén se reflicte na súa traxectoria dentro de Business Factory Aero. A compañía participou na 5ª edición no itinerario de Incubación, avanzou posteriormente ao itinerario de aceleración na 6ª edición e completou a 7ª edición dentro do itinerario de consolidación.
Este percorrido reflicte a maduración progresiva dun proxecto que pasou das súas primeiras fases de desenvolvemento a alcanzar fitos tecnolóxicos como o inicio das probas de voo do Z01.
BFAero, impulso ao talento e a innovación aeroespacial
O caso de Arzeos pon de relevo o papel de BFAero como plataforma de apoio ao desenvolvemento e crecemento de empresas innovadoras do sector aeroespacial, acompañándoas nas diferentes etapas da súa evolución.
Desde a súa posta en marcha en 2018, BFAero apoiou 49 proxectos, creado 15 novas empresas tecnolóxicas e promovido o traslado a Galicia de 21 empresas, contribuíndo á creación de máis de 320 empregos cualificados. Os proxectos captaron ademais máis de 16 millóns de euros de investimento.
Arzeos afronta agora unha nova etapa centrada en avanzar cara á certificación da súa aeronave e continuar preparando a súa chegada ao mercado.
Unha startup pode dedicar anos a desenvolver unha nova aeronave, un sistema intelixente para drons, un algoritmo de navegación autónoma ou unha tecnoloxía de comunicacións espaciais. Con todo, se esa innovación non está correctamente protexida, o verdadeiro valor xerado pode acabar en mans de terceiros.
Con esta reflexión de fondo, os proxectos da 7º edición da Business Factory Aero (BFAero) participaron nunha sesión específica sobre Propiedade Industrial (PI) e o seu impacto no negocio. Desenvolver unha gran tecnoloxía é só o primeiro paso, transformala nunha empresa competitiva esixe tamén construír unha estratexia sólida de Propiedade Industrial e Intelectual.
Os proxectos de BFAero reciben formación e acompañamento especializado para identificar os seus activos tecnolóxicos, definir a mellor estratexia de protección e preparar a súa tecnoloxía para afrontar con maiores garantías procesos de investimento, colaboración industrial e internacionalización.
A innovación non basta. Hai que saber protexela.
En sectores intensivos en tecnoloxía como o aeroespacial, aeronáutico e dos vehículos non tripulados (UAV), a Propiedade Industrial e Intelectual (PI) deixa de ser unha cuestión xurídica para converterse nun activo estratéxico de negocio.
A PI protexe a capacidade dunha empresa para crecer, atraer investimento, negociar con grandes corporacións e manter unha vantaxe competitiva sostible. Numerosos estudos mostran que, no sector aeroespacial, a propiedade intelectual representa ata o 80% do valor empresarial e constitúe un dos aspectos máis analizados polos fondos de investimento durante unha due diligence.
Por que é tan importante para unha startup aeroespacial?
Nun mercado tan competitivo como o aeroespacial, onde os ciclos de desenvolvemento son longos e os investimentos elevados, protexer correctamente a innovación pode marcar a diferenza entre liderar un mercado ou perdelo.
A Propiedade Industrial é o conxunto de dereitos que permiten protexer as innovacións, desenvolvementos tecnolóxicos e signos distintivos dunha empresa. O seu obxectivo non é unicamente impedir que outros copien unha tecnoloxía, tamén permite:
Aumentar a valoración da empresa
Xerar barreiras de entrada fronte á competencia
Facilitar roldas de investimento
Negociar licenzas tecnolóxicas
Monetizar os resultados da I+D
Reforzar a posición da empresa ante clientes e socios industriais
Que tipo de Propiedade Industrial necesita unha empresa do sector aeroespacial?
Unha mesma tecnoloxía pode estar protexida simultaneamente mediante varias figuras xurídicas, cada unha destinada a protexer un aspecto diferente do proxecto.
1. Patente. Protexe unha solución técnica nova, non obvia e con aplicación industrial, ata 20 anos sempre que se manteñan os requisitos legais. É a mellor opción en casos como o desenvolvemento dun novo sistema de propulsión, o deseño dun sensor innovador ou un novo sistema de control de voo.
2. Copyright. Protexe a expresión orixinal dunha creación. Non protexe a idea, senón a súa materialización. O copyright nace automaticamente, aínda que é recomendable reforzar a proba de autoría mediante rexistros ou sistemas de control de versións. Resulta especialmente adecuado para software, código fonte, interfaces, APIs, documentación técnica, arquitectura do software ou materiais gráficos.
3. Bases de datos. Protegen inversiones significativas realizadas para recopilar, organizar o verificar datos. Cada vez resultan más relevantes para empresas que desarrollan inteligencia artificial, navegación autónoma, sistemas predictivos, plataformas de gestión de flotas y soluciones basadas en Big Data.
4. Segredo empresarial. Ampara toda aquela información que achega valor precisamente porque permanece confidencial. É especialmente recomendable cando a tecnoloxía resulta difícil de descubrir mediante enxeñería inversa ou evoluciona moi rapidamente, algoritmos preditivos, modelos de IA, parámetros de adestramento, know-how, procesos industriais, configuracións técnicas ou nas estratexias de fabricación.
5. Marcas. Modalidade na que se salvagarda a identidade comercial. Esencial para construír reputación e diferenciar a oferta en mercados internacionais. A marca inclúe os seguintes elementos: nome da empresa, logotipo, nome do produto e slogan.
6. Deseños industriais. Custodia a aparencia externa dun produto, o seu aspecto visual. A forma dun dron, o deseño exterior dunha aeronave, a carcasa dun sensor ou a configuración visual dun robot autónomo.
Que convén máis: patente ou secreto empresarial?
Os proxectos tiveron a oportunidade de resolver preguntas frecuentes como a conveniencia de recorrer a unha patente ou a un segredo empresarial. Aínda que en moitas ocasións a mellor estratexia consiste en combinar ambas as modalidades, existe diferenzas.
A patente é máis conveniente cando o produto pode copiarse facilmente, será necesario mostrar a tecnoloxía ao mercado, búscase atraer investimento ou interesa dispoñer de activos rexistrais. Pola contra, convén manter o segredo cando a tecnoloxía non pode descubrirse facilmente, o know-how reside en procesos internos ou a innovación evoluciona continuamente.
Pode xerar ingresos a Propiedade Industrial?
Un dos aspectos máis relevantes da sesión foi a abordaxe da PI como un elemento que xera valor económico para o proxecto. Entre as principais vías de monetización destacan:
Comercialización de produtos tecnolóxicos protexidos
Licenciamiento de tecnoloxía
Cesión ou venda de dereitos
Creación de spin-offs
Acordos de transferencia tecnolóxica
Utilización da PI como activo en procesos de investimento ou financiamento
Ademais, dispoñer dunha estratexia sólida de Propiedade Industrial mellora a posición negociadora fronte a grandes empresas do sector aeroespacial e facilita a colaboración en proxectos internacionais de I+D+i.
A conselleira de Economía e Industria, María Jesús Lorenzana, acompañada da directora do Igape, Covadonga Toca, participou no Investor Day organizado pola Business Factory Aero (BFAero) e XesGalicia, celebrado na Oficina Económica de Galicia en Madrid, onde subliñou que é “crucial” conectar startups con entidades investidoras, xa que “lles garante unha viabilidade financeira e acelera o seu crecemento no mercado”.
Durante o Investor Day, a conselleira explicou que “detectamos e acompañamos a moitos proxectos innovadores, pero eses proxectos necesitan consolidarse no mercado e ir crecendo. E iso non podemos conseguilo só co Igape ou con XesGalicia: necesitamos o investimento privado. Por tanto, é fundamental que poidamos utilizar a nosa Oficina Económica como escaparate de todo o que se fai en Galicia para atraer ese investimento”.
No encontro 18 entidades investidoras con teses en deep tech, space tech, intelixencia artificial, ciberseguridade, mobilidade, aeroespacio, defensa e tecnoloxías duais reuníronse na Oficina Económica de Galicia en Madrid con once proxectos tecnolóxicos da 7ª edición de BFAero e con tres compañías consolidadas do ecosistema da aceleradora, co obxectivo de explorar oportunidades de investimento, coinversión e escalado en tecnoloxías de alto valor engadido.
Galicia, ecosistema atractivo para o investimento especializado
Galicia continúa consolidando un ecosistema capaz de atraer talento, xerar innovación de alto impacto e espertar o interese de investidores especializados nacionais e internacionais, convertendo o potencial tecnolóxico en oportunidades reais de crecemento económico e emprego cualificado.
BFAero, a aceleradora aeroespacial da Xunta de Galicia, forma parte da Iniciativa Estratéxica en Seguridade, Defensa e Aeroespacio da Consellería de Economía e Industria, unha folla de roteiro que prevé mobilizar ata 900 millóns de euros de investimento ata 2030, apoiada por un investimento público de 183 millóns de euros destinada a fortalecer as capacidades industriais, tecnolóxicas e empresariais da comunidade en sectores considerados estratéxicos para a autonomía tecnolóxica e a competitividade europea.
Desde a súa posta en marcha en 2019, BFAero apoiou a creación de 49 empresas novas. Máis do 80% delas continúan activas e crecendo. En conxunto, estas compañías xeraron máis de 310 empregos cualificados e máis de 28 millóns de euros de volume de negocio anual.
Nas dúas últimas edicións, as empresas de BFAero captaron máis de 14 millóns de euros, con preto do 70% procedente de capital privado, o que confirma a capacidade do programa para transformar tecnoloxías estratéxicas en compañías con atractivo investidor.
Varias startups vinculadas o ecosistema BFAero lograron tamén recoñecemento internacional ao ser seleccionadas por programas de referencia como DIANA, a aceleradora de innovación da OTAN; ou ao atraer investimento de entidades estratéxicas como o NATO Innovation Fund, consolidando a proxección global do ecosistema aeroespacial galego.
Da tecnoloxía ao mercado
A metodoloxía de BFAero acompaña aos proxectos en todo o proceso de maduración empresarial, desde a validación tecnolóxica ata a preparación para o investimento, traballando aspectos clave como o modelo de negocio, a estratexia de mercado, a propiedade intelectual, a validación comercial, a estratexia de financiamento e a conexión con grandes empresas tractoras do sector.
Este traballo permite que as startups cheguen aos investidores con tecnoloxías diferenciais, equipos altamente especializados e propostas de valor orientadas a mercados con gran potencial de crecemento, especialmente en ámbitos duais con aplicacións civís, industriais, de seguridade e defensa.
O Investor Day reforza así o papel de BFAero como plataforma de xeración de oportunidades de investimento en aeroespacio, seguridade, defensa e tecnoloxías duais, e como instrumento de conexión entre innovación tecnolóxica, industria e capital privado.
Para ofrecer las mejores experiencias, utilizamos tecnologías como las cookies para almacenar y/o acceder a la información del dispositivo. El consentimiento de estas tecnologías nos permitirá procesar datos como el comportamiento de navegación o las identificaciones únicas en este sitio. No consentir o retirar el consentimiento, puede afectar negativamente a ciertas características y funciones.
Funcional
Sempre activo
El almacenamiento o acceso técnico es estrictamente necesario para el propósito legítimo de permitir el uso de un servicio específico explícitamente solicitado por el abonado o usuario, o con el único propósito de llevar a cabo la transmisión de una comunicación a través de una red de comunicaciones electrónicas.
Preferencias
El almacenamiento o acceso técnico es necesario para la finalidad legítima de almacenar preferencias no solicitadas por el abonado o usuario.
Estadísticas
El almacenamiento o acceso técnico que es utilizado exclusivamente con fines estadísticos.El almacenamiento o acceso técnico que se utiliza exclusivamente con fines estadísticos anónimos. Sin un requerimiento, el cumplimiento voluntario por parte de tu proveedor de servicios de Internet, o los registros adicionales de un tercero, la información almacenada o recuperada sólo para este propósito no se puede utilizar para identificarte.
Marketing
El almacenamiento o acceso técnico es necesario para crear perfiles de usuario para enviar publicidad, o para rastrear al usuario en una web o en varias web con fines de marketing similares.
