A empresa galega Vig-Sec Drone, participante nos itinerarios de Aceleración da 5.ª edición e Consolidación da 6.ª edición da Business Factory Aero (BFAero), foi seleccionada pola aceleradora tecnolóxica DIANA (Defence Innovation Accelerator for the North Atlantic) para participar na súa fase Mission Track (fase orientada á adopción operacional), só 15 compañías da cohorte 2026, formada por 150 innovadores seleccionados entre máis de 3.600 propostas, accederon a esta nova fase do programa.
A compañía participa con Suite ACRE, unha plataforma tecnolóxica desenvolvida para a xestión e coordinación táctica do espazo aéreo de media e baixa cota, que permite integrar nunha mesma capa de coordinación a información procedente de drons propios, sistemas antidron (C-UAS) e outros medios aéreos.
Mission Track é a fase de continuación do programa de aceleración de NATO DIANA dirixida a tecnoloxías que demostraron un forte interese para a defensa e unha clara aliñación con necesidades operativas dos países aliados. O seu obxectivo é achegar as solucións seleccionadas á preparación operacional e facilitar vías para a súa adopción a escala.
As compañías seleccionadas poden acceder a ata 300.000 euros de financiamento contractual adicional de carácter non dilutivo, alén de continuar utilizando a rede de centros de probas de NATO DIANA e recibir apoio específico para avanzar nos seus procesos de adopción e escalado.
Validación en contornas operativas internacionais
En paralelo a este novo avance dentro de NATO DIANA, Suite ACRE participa durante estas semanas en REPMUS26, exercicio multinacional dedicado á experimentación e integración de sistemas non tripulados que se desenvolve en Troia e Sesimbra, Portugal, entre o 31 de agosto e o 25 de setembro.
O exercicio reúne a 36 países e máis de 130 empresas provedoras de tecnoloxía dual para a OTAN, alén de organismos como a European Defence Agency (EDA) e a European Maritime Safety Agency (EMSA), e constitúe unha contorna de referencia para probar a interoperabilidade de novas tecnoloxías aplicadas a escenarios operativos.
Segundo comunicou Vig-Sec Drone, Suite ACRE está a ser utilizada durante o exercicio para a coordinación do espazo aéreo de media e baixa cota, reforzando a validación da plataforma en escenarios internacionais de elevada esixencia operativa.
Unha traxectoria vinculada a BFAero
Fundada en Galicia en 2019, Vig-Sec Drone desenvolveu unha traxectoria vinculada ao ecosistema galego de innovación e emprendemento tecnolóxico. A compañía participou en BFAero, dentro dos itinerarios de Aceleración da 5.ª edición e Consolidación da 6.ª edición, etapas nas que puido impulsar o desenvolvemento e crecemento do seu proxecto dentro dunha contorna especializada nos sectores aeronáutico, aeroespacial e de vehículos non tripulados.
A súa evolución reflicte o potencial dos proxectos apoiados por BFAero para avanzar desde o desenvolvemento tecnolóxico ata a validación operacional, a conexión con grandes actores do sector e a expansión cara a mercados internacionais.
Actualmente, Suite ACRE conta con máis de 2.000 usuarios e está presente en organismos públicos, axencias de emerxencias e unidades das Forzas Armadas. A plataforma xa participou en exercicios nacionais e internacionais como ATLAS, Steadfast Dart e Spring Storm, e a finais de setembro estará tamén presente en Drone Shield 2026, en República Checa.
A participación en REPMUS26 e a selección para Mission Track de NATO DIANA representan así dous fitos dentro da traxectoria internacional de Vig-Sec Drone e poñen de manifesto a capacidade das empresas vinculadas ao ecosistema BFAero para desenvolver solucións tecnolóxicas con aplicación internacional en sectores estratéxicos.
Business Factory Aero, promovida pola Xunta de Galicia a través de IGAPE e XesGalicia e xestionada pola Fundación CEL Iniciativas por Lugo, acompaña proxectos dos sectores aeronáutico, aeroespacial e de vehículos non tripulados nas súas fases de incubación, aceleración e consolidación. A 8.ª convocatoria de BFAero está aberta a novos proxectos e empresas que queiran desenvolver e escalar as súas solucións dentro deste ecosistema especializado.
BFAero participou no sétimo encontro interrexional do proxecto europeoMAE (Moving Towards Aerospace) como referente de modelo de aceleradora vertical. Trátase dunha iniciativa de Interreg Europe na que dez rexións de sete países, entre elas Galicia, colaboran para fortalecer ecosistemas aeroespaciais máis competitivos, innovadores e conectados.
Europa mira a Galicia a través dunha experiencia de intercambio que, cada vez, esperta máis interese e que persegue tres obxectivos:
O desenvolvemento dun ecosistema aeroespacial sólido
A transformación do talento e a innovación en empresas viables
O deseño dun programa público de incubación e aceleración con impacto real.
Durante a xornada, o equipo da aceleradora aeroespacial, impulsada pola Xunta de Galicia e xestionada por Fundación CEL, compartiu algúns elementos clave do seu modelo. Representantes de Países Baixos, Noruega, Italia, República Checa, Romanía, Serbia, Ucraína e Irlanda interesáronse polos cinco elementos que sustentan o modelo BFAero:
Gobernanza
Implicación de empresas tractoras
Colaboración público-privada
Especialización sectorial
Capacidade de xerar impacto económico e industrial no territorio.
Tras sete edicións, BFAero consolidouse como un dos principais instrumentos de impulso ao emprendemento aeroespacial en España. A súa traxectoria reflicte o valor de combinar apoio institucional, visión estratéxica e conexión coa industria para acompañar a startups tecnolóxicas no seu crecemento e consolidación.
Os resultados avalan ese percorrido:
Xeración de máis de 275 empregos cualificados
Un total de 14M€ captados polos proxectos apoiados
Consolidación dunha rede de colaboración formada por máis de 55 entidades do ecosistema aeroespacial e tecnolóxico.
Detrás destes resultados está o compromiso sostido da Xunta de Galicia, que impulsou o programa integrándoo nunha visión estratéxica de longo prazo como é a Iniciativa Estratéxica en Seguridade, Defensa e Aeroespazo 2025–2030 (Iesda), dotada con 183 millóns de euros de investimento público e cunha capacidade estimada para mobilizar preto de 900 millóns de euros en colaboración público-privada.
BFAero forma parte activa desta estratexia, contribuíndo ao fortalecemento do ecosistema aeroespacial galego e á proxección internacional de Galicia como territorio de innovación, industria e tecnoloxía.
Esta formación especializada, orientada a profesionais, directivos e empresas interesadas en reforzar as súas capacidades no ámbito da seguridade e a defensa, enmárcase dentro da aposta da Xunta por consolidar a Galicia como un territorio con capacidades industriais e tecnolóxicas competitivas neste sector estratéxico.
Formación especializada para un sector en crecemento
O programa, iniciado o pasado 17 de abril en formato semipresencial e cunha duración total de 128 horas, ofrece aos participantes unha visión integral do ecosistema da industria de defensa, abordando aspectos relacionados co financiamento, a xestión de programas, a innovación e as oportunidades de negocio dentro do sector.
A participación de proxectos do ecosistema BFAero nesta iniciativa está a permitir aos seus equipos profundar no funcionamento do sector, coñecer novas ferramentas de xestión e analizar as oportunidades existentes nunha contorna altamente tecnolóxica e regulado.
Capacitación e visión estratéxica
A participación de Drone Silencer, Kreios Space e Binarial neste programa reflicte o compromiso do ecosistema BFAero coa formación continua, a especialización e o desenvolvemento de capacidades estratéxicas en ámbitos vinculados ao sector aeroespacial, tecnolóxico e de defensa.
Alén da aprendizaxe adquirida durante as sesións, esta experiencia está a favorecer o intercambio de coñecemento e o contacto con profesionais, institucións e empresas do sector, ampliando a visión estratéxica dos proxectos participantes e xerando novas oportunidades de colaboración.
BFAero e o impulso ao talento innovador
Desde BFAero continúase apostando por achegar aos seus proxectos iniciativas formativas de alto valor engadido que contribúan ao crecemento empresarial, a especialización tecnolóxica e a conexión con sectores emerxentes e estratéxicos.
A participación de startups do ecosistema en programas como o impulsado pola Xunta de Galicia e a EOI reforza o posicionamento de Galicia como unha contorna de referencia para a innovación aeroespacial e tecnolóxica, así como o compromiso de BFAero co impulso do talento e a competitividade empresarial.
A Escola de Organización Industrial (EOI), en colaboración coa Xunta de Galicia, ofrece o seu Programa Executivo en Industria de Defensa (Galicia), unha formación orientada a profesionais, directivos e empresas que queiran reforzar as súas capacidades nun dos sectores estratéxicos con maior potencial de crecemento. Esta iniciativa enmárcase dentro da aposta da Xunta por consolidar a Galicia como un territorio con capacidades industriais e empresariais reforzadas para acceder ao mercado da seguridade e a defensa.
O prazo de inscrición finaliza hoxe, 23 de marzo, e a formación dará comezo o 17 de abril en formato semipresencial, cunha duración total de 128 horas.
Que aprenderás no programa?
O programa está estruturado en catro bloques temáticos clave, pensados para ofrecer unha visión completa do ecosistema da industria de defensa e as súas oportunidades:
Ecosistema e estrutura do sector. Entender como está organizado o sector de defensa, os seus actores públicos e privados, e os mecanismos de gobernanza.
Instrumentos de financiamento e oportunidades de negocio. Coñecer os principais mecanismos de financiamento e modelos de acceso a contratos e programas estratéxicos.
Xestión de programas e contratos. Ferramentas operativas para xestionar contratos e proxectos dentro dunha contorna altamente regulada.
Innovación e colaboración empresarial. Casos prácticos e estratexias para fomentar a innovación, cooperación e crecemento empresarial no sector.
Panel docente de alto nivel
O Programa Executivo conta con expertos profesionais do sector institucional e empresarial, con ampla experiencia en defensa, financiamento e xestión de programas. A participación destes docentes achega un enfoque práctico e actualizado que facilita a comprensión dos retos e oportunidades reais no sector.
Como inscribirse
As empresas e profesionais interesados deben presentar a súa solicitude a través da landing do programa.
O prezo total do programa é de 4.400 €, e grazas ao apoio da Xunta de Galicia, o importe bonificado a abonar polo participante é de 660 €.
As empresas vinculadas ao ecosistema BFAero poderán beneficiarse de condicións especiais na matrícula, reforzando o acceso a esta formación estratéxica.
Formación clave para o crecemento empresarial
Este programa representa unha oportunidade única para empresas e profesionais do sector aeroespacial e tecnolóxico que desexen mellorar as súas capacidades, ampliar a súa rede e acceder a novas oportunidades de negocio na industria da defensa. Aproveita o último día para rexistrarte e formar parte desta iniciativa estratéxica.
O prazo de presentación de solicitudes está aberto ata o 13 de maio ás 14:00 h, ou ata o esgotamento do crédito dispoñible. A tramitación debe realizarse de forma electrónica a través do procedemento IN519G.
Facilitar o acceso á cadea de subministración en defensa e seguridade
A convocatoria ten como obxectivo apoiar ás empresas galegas na implementación de accións crave para o seu posicionamento nos ámbitos da defensa e a seguridade. En concreto, financia actuacións como:
A primeira inscrición no Rexistro de Empresas da Dirección Xeral de Armamento e Material (DGAM).
A elaboración de propostas técnicas para participar en convocatorias nacionais ou europeas de defensa.
A homologación técnica de sistemas e produtos, mediante ensaios e probas en laboratorios acreditados.
A tramitación de habilitacións e autorizacións de seguridade ante o CNI, tanto de empresa (HSEM) como de establecemento (HSES).
A implantación de sistemas de xestión de calidade conforme a normas PECAL/AQAP, incluíndo consultoría e certificación.
O obxectivo final é preparar ás empresas galegas para avanzar ou diversificarse ata converterse en subministradoras de bens e servizos nos sectores de seguridade e defensa, facilitando a súa integración en programas industriais estratéxicos.
Ata 75.000€ por beneficiario
A axuda concédese en réxime de concorrencia non competitiva e cobre ata o 80 % do importe subvencionable, cun máximo de 75.000 euros por beneficiario. O orzamento mínimo esixido por actuación é de 3.000 euros.
Entre os conceptos subvencionables inclúense servizos de asesoramento e consultoría especializada, asistencia técnica, ensaios e probas de laboratorio, auditorías e certificacións en normas específicas, formación obrigatoria e taxas públicas.
Ademais, poderase solicitar un anticipo de ata o 25 % da subvención concedida, previa constitución de garantía. Os gastos poderán executarse ata novembro de 2026 ou ata outubro de 2027, segundo a anualidade correspondente.
Poderán beneficiarse empresas privadas con personalidade xurídica que desenvolvan actividade económica e dispoñan de centro de traballo en Galicia, sempre que inicien os pasos necesarios para a súa diversificación en materia de defensa e seguridade mediante as certificacións, homologacións ou habilitacións esixidas.
Neste contexto, a Guía de Certificacións en Seguridade, Defensa e Aeroespacio 2026 convértese nunha ferramenta complementaria clave. O documento permite comprender o papel das certificacións nos distintos elos da cadea de valor e facilita a planificación estratéxica das empresas que queiran acollerse á axuda IN519G, ofrecendo unha visión clara sobre requisitos, estándares e relacións entre normativas.
Oportunidade estratéxica para o ecosistema BFAero
Para as startups e empresas vinculadas á Business Factory Aero (BFAero), esta convocatoria representa unha oportunidade estratéxica para reforzar o seu posicionamento competitivo e avanzar en procesos de certificación e homologación imprescindibles en sectores de alta esixencia tecnolóxica.
A apertura da axuda IN519G e a dispoñibilidade de ferramentas como a Guía de Certificacións consolidan así unha contorna favorable para que o ecosistema galego continúe crecendo e posicionándose como referente en seguridade, defensa e aeroespacio.
Para ofrecer las mejores experiencias, utilizamos tecnologías como las cookies para almacenar y/o acceder a la información del dispositivo. El consentimiento de estas tecnologías nos permitirá procesar datos como el comportamiento de navegación o las identificaciones únicas en este sitio. No consentir o retirar el consentimiento, puede afectar negativamente a ciertas características y funciones.
Funcional
Sempre activo
El almacenamiento o acceso técnico es estrictamente necesario para el propósito legítimo de permitir el uso de un servicio específico explícitamente solicitado por el abonado o usuario, o con el único propósito de llevar a cabo la transmisión de una comunicación a través de una red de comunicaciones electrónicas.
Preferencias
El almacenamiento o acceso técnico es necesario para la finalidad legítima de almacenar preferencias no solicitadas por el abonado o usuario.
Estadísticas
El almacenamiento o acceso técnico que es utilizado exclusivamente con fines estadísticos.El almacenamiento o acceso técnico que se utiliza exclusivamente con fines estadísticos anónimos. Sin un requerimiento, el cumplimiento voluntario por parte de tu proveedor de servicios de Internet, o los registros adicionales de un tercero, la información almacenada o recuperada sólo para este propósito no se puede utilizar para identificarte.
Marketing
El almacenamiento o acceso técnico es necesario para crear perfiles de usuario para enviar publicidad, o para rastrear al usuario en una web o en varias web con fines de marketing similares.
