Emprendemento desde a axilidade e a solidez

Dec 3, 2024

O programa Business Factory Aero estrutúrase ao redor dun conxunto de actividades harmonizadas para dar resposta aos fitos que se acordaron no Acordo Marco de cada proxecto. Estas actividades estrutúranse en tres tipoloxías: mentorías, sesións de formación e eventos de networking.

Nas dúas últimas edicións, BFAero focalizou os seus esforzos en ofrecer aos proxectos un conxunto de mentores expertos en áreas como aeronáutica, normativa UAV, propiedad intelectual, xestión empresarial ou marketing, e en incrementar o número de sesións en beneficio dos proxectos, chegando a superar as 157 na quinta edición do programa.

Proba concepto e financiamento

As mentorías son unha das actividades do programa de formación máis valoradas polos emprendedores, tanto polo coñecemento especializado que proporcionan como polo acceso a cuestións estratéxicas como a posibilidade de realizar proba concepto con empresas ou validar un produto coas necesidades do mercado.

Outro dos factores crave para o futuro dos proxectos é o acceso ao financiamento. Nesta liña, cabe destacar que o programa de Business Factory Aero inclúe formación para a captación de financiamento de entidades públicas e privadas, segundo a etapa de madurez na que se atopa cada proxecto.

Formación personalizada

As sesións de formación adáptanse ás necesidades de cada proxecto, atendendo ás indicacións recollidas no Acordo Marco que emprendedor e aceleradora asinan ao ingreso no programa.

Outra das características é o marcado carácter práctico das sesións, onde se resolven situacións concretas para cada proxecto.

Por último, BFAero organiza eventos de networking durante cada edición na que participan todas as entidades do ecosistema de emprendemento.

Business Factory Aero incentivou a creación dun ecosistema de innovación dinámico e frutífero

Dec 3, 2024

Reunión do IGAPE con proxectos da Business Factory Aero. Fundación CEL.

Galicia despega na industria aeroespacial, aeronáutica e de vehículos non tripulados (UAVs), tras cinco edicións do programa de aceleración Business Factory Aero , impulsado pola Xunta de Galicia e Civil UAVs Initiative (CUI).

A pegada industrial que xerou a BFAero tradúcese en tres ámbitos. Xunto á creación de novas empresas, 46 en total desde 2018, o programa impulsou a consolidación dun operador de referencia no sector, Aeromedia e, por último, propiciou o traslado a Galicia da sede de startups como Kreios Space e FuVex.

Ademais de ser a mellor aceleradora na clasificación global de Funcas 2024, o traballo de BFAero permitiu a creación dun ecosistema de innovación dinámico e frutífero.

Este ecosistema aeronáutico galego conta con máis de 55 entidades ooperan co obxectivo de dar resposta ás necesidades dos emprendedores da industria aeroespacial, aeronáutica e de vehículos non tripulados tecendo unha rede de colaboración para o impulso e escalado de tecnoloxías disruptivas que resolvan retos das empresas e da sociedade.

A colaboración de todo o ecosistema tamén permitiu aos emprendedores acceder a 31 potenciales clientes ou “early adopters” e a 7 potenciais investidores.

Xesgalicia explica aos proxectos de Business Factory Aero acceso a financiamento.

Un tecido empresarial dinámico

O tecido empresarial ao redor do emprendemento de BFAero é unha proba da fortaleza e o dinamismo do campo aeronáutico, xa que xunto ás empresa tractoras existen un número significativo de empresas do sector, clientes e servizos a proxectos.

Entre as empresas tractoras que se sumaron a este ecosistema figuran Airbus, Avincis, Telespazio, UTE Aertec-Tecnobyte. Xunto a elas tamén cabe sinalar a implicación de empresas do sector como: Ahyres, Primecor, Nordes Tech, UARX Space, Enercraf, Alén, Lupeon y Aerocámara.

Estratéxico é tamén o papel de clientes early adopters como Cinfo, Gabadi, Hercules, Marina Meriodional que achegan un alto valor para o emprendemento.

Por último, o ecosistema dispón dunha rede de empresas de servicios que apoian aos proxectos en propiedade intelectual, xestión de persoas ou desenvolvementos tecnolóxicos: Clark Modet, Implicatum, Vicus dt, Dixome, Silicon DT, GO! People & Talent.