Os proxectos participantes na 7ª edición de Business Factory Aero (BFAero) visitaron o centro de investigación atlanTTic nunha xornada orientada a impulsar a colaboración e xerar sinerxías entre startups e a contorna investigadora.
A apertura do encontro contou coa participación de Luis García Santalla, presidente e CEO de Fundación CEL, e de Luis Sabucedo, subdirector de atlanTTic, quen destacou a importancia de fomentar a conexión entre o ámbito emprendedor e o ecosistema investigador como panca para o desenvolvemento de proxectos innovadores.
A xornada arrincou coa formación “Fiscalidade da Innovación”, impartida por José María Pina Sánchez-Mariscal, Managing Partner en APTKI, na que os participantes puideron coñecer os principais incentivos fiscais á innovación e a súa aplicación práctica en proxectos de I+D+i.
A continuación, os equipos de BFAero participaron nunha sesión de presentación de proxectos ante o persoal de atlanTTic. A través dun formato áxil, cada startup compartiu unha visión xeral da súa iniciativa, así como as áreas nas que requiren apoio externo, co obxectivo de detectar posibles vías de colaboración co centro de investigación.
Este exercicio permitiu poñer en común necesidades tecnolóxicas, retos de desenvolvemento e liñas de traballo, favorecendo a identificación de puntos de conexión entre os proxectos e as capacidades de atlanTTic.
Coñecemento da contorna e xeración de conexións
A xornada continuou cunha visita guiada aos laboratorios de atlanTTic, onde os participantes puideron coñecer de primeira man as súas infraestruturas, capacidades e principais liñas de investigación no ámbito das tecnoloxías de telecomunicación.
O programa completouse cun espazo de networking, que facilitou o intercambio directo entre startups e persoal investigador, reforzando as oportunidades de colaboración identificadas durante a sesión e fomentando novas conexións entre as entidades participantes.
atlanTTic, un aliado estratéxico en innovación
atlanTTic é un centro de investigación da Universidade de Vigo especializado en tecnoloxías de telecomunicación, que desenvolve a súa actividade en áreas como comunicacións, servizos dixitais, ciberseguridade ou tecnoloxías aplicadas a distintos sectores estratéxicos. O seu enfoque combina investigación de excelencia con transferencia de coñecemento, colaborando activamente con empresas e institucións para impulsar a innovación.
Ademais, a súa participación en iniciativas de alcance internacional como a misión Artemis II, na que o Grupo de Tecnoloxía Aeroespacial da Universidade de Vigo realiza o seguimento da nave Orión, pon de manifesto o alto nivel das súas capacidades tecnolóxicas e o seu posicionamento en proxectos punteiros do sector espacial.
Este tipo de iniciativas reforzan o papel de BFAero como catalizador de conexións dentro do ecosistema aeronáutico e tecnolóxico, achegando ás startups a axentes crave do ámbito investigador e facilitando o seu acceso a coñecemento especializado e recursos tecnolóxicos.
A xeración de sinerxías entre proxectos emprendedores e centros como atlanTTic contribúe a acelerar o desenvolvemento de solucións innovadoras, impulsando o crecemento das startups e fortalecendo o ecosistema.
Como parte da continua aposta por ofrecer ás emprendedores ferramentas especializadas para impulsar os seus proxectos, Business Factory Aero (BFAero) incorpora como novidade no seu programa a formación “Fiscalidade da Innovación”, impartida por José María Pina Sánchez-Mariscal, Managing Partner en APTKI.
A sesión, que tivo lugar no centro de investigación atlanTTic, permitiu aos participantes comprender os principais incentivos fiscais á innovación e a súa aplicación práctica en startups tecnolóxicas.
Formación impartida por un experto en innovación e financiamento
Durante os 90 minutos de formación, os asistentes puideron profundar nos principais incentivos fiscais á innovación e na súa aplicación dentro do contexto dunha startup. Os temas abordados foron:
Incentivos fiscais á innovación: que actividades e conceptos son financiables?
Principais instrumentos para o financiamento da I+D+i e como monetizarla
Requisitos e boas prácticas:
Aspectos clave na elaboración dos estados financeiros
Rastrexabilidade do gasto e consecuencias dunha planificación financeira deficiente
Rastrexabilidade do gasto e consecuencias dunha planificación financeira deficiente
Certificación ENISA. Vantaxes fiscais para a startup e o investidor
Outras fontes de financiamento para a I+D+i
Esta formación permite aos emprendedores identificar oportunidades para optimizar a fiscalidade dos seus proxectos e mellorar a planificación financeira, fortalecendo a sustentabilidade económica das súas startups.
Un valor engadido para o programa BFAero
A incorporación desta sesión supón un paso máis no compromiso de BFAero por ofrecer contidos especializados que reforcen as capacidades dos emprendedores e faciliten o crecemento de proxectos innovadores no sector aeronáutico e aeroespacial.
Grazas a iniciativas como esta, os participantes do programa contan con coñecementos prácticos e estratéxicos para xestionar de xeito máis eficiente a fiscalidade da innovación e maximizar o potencial dos seus startups.
O éxito do financiamento dunha startup non depende só da innovación do proxecto, a confianza entre socios e a protección da información estratéxica son decisivas para atraer investimento.
A xornada, dirixida a emprendedores da Business Factory Aero (BFAero), centrouse en dous piares fundamentais: o pacto de socios e a confidencialidadeempresarial, e permitiu analizar como estes mecanismos fortalecen relacións con investidores e protexen información sensible vinculada aos seus proxectos.
A sesión foi impartida por Ana Lorente Berges, cofundadora de A2 Estudo Legal, quen explicou a importancia de establecer acordos claros entre socios e mecanismos de protección dos activos estratéxicos de cada startup.
Os asistentes exploraron como estas ferramentas non só preveñen conflitos, senón que tamén proporcionan confianza a investidores, un factor clave para impulsar proxectos innovadores.
Confianza para materializar o investimento
Nun ecosistema onde o investimento público e privado busca startups con potencial de crecemento, contar cunha base xurídica sólida convértese nun elemento determinante.
Con estas iniciativas, BFAero brinda aos emprendedores ferramentas prácticas para afrontar procesos de investimento e consolidar os seus proxectos no sector aeronáutico e aeroespacial.
O emprendemento non depende unicamente do investimento privado. O financiamento público constitúe unha vía de crecemento moi relevante para calquera startup, especialmente para aquelas que desenvolven proxectos innovadores con alto potencial.
Con todo, acceder a este tipo de apoio require coñecer onde atopar as convocatorias adecuadas e cales son os requisitos que esixen as entidades financiadoras.
Con este obxectivo, os participantes da 7.ª edición de Business Factory Aero (BFAero) profundaron nestas cuestións durante a primeira parte da última xornada presencial do programa, celebrada o 26 de febreiro.
Claves para acceder aos fondos públicos
A sesión estivo guiada por Iliyana Zongova, experta en fondos e proxectos europeos de NTT DATA, quen ofreceu aos impulsores dos proxectos unha visión práctica sobre o funcionamento do financiamento público.
Durante a xornada, os emprendedores puideron coñecer con maior detalle::
O tipo de iniciativas que suelen adoitan recibir apoio a través de fondos públicos.
Quen pode participar neste tipo de convocatorias.
Onde localizar información sobre oportunidades de financiamento.
Como preparar propostas adecuadas para optar a estas axudas.
A sesión permitiu aos participantes comprender mellor como estruturar os seus proxectos e acceder a novas vías de financiamento que poden contribuír a acelerar o seu desenvolvemento.
O papel do apoio institucional no impulso empresarial
Sesións como esta poñen de relevo a importancia do apoio institucional no impulso e a dinamización do tecido empresarial, especialmente en sectores estratéxicos como o aeronáutico e o aeroespacial.
A través deste tipo de iniciativas formativas, BFAero continúa acompañando ás startups do seu ecosistema no fortalecemento das súas capacidades e na procura de oportunidades para impulsar o seu crecemento.
A Escola de Organización Industrial (EOI), en colaboración coa Xunta de Galicia, ofrece o seu Programa Executivo en Industria de Defensa (Galicia), unha formación orientada a profesionais, directivos e empresas que queiran reforzar as súas capacidades nun dos sectores estratéxicos con maior potencial de crecemento. Esta iniciativa enmárcase dentro da aposta da Xunta por consolidar a Galicia como un territorio con capacidades industriais e empresariais reforzadas para acceder ao mercado da seguridade e a defensa.
O prazo de inscrición finaliza hoxe, 23 de marzo, e a formación dará comezo o 17 de abril en formato semipresencial, cunha duración total de 128 horas.
Que aprenderás no programa?
O programa está estruturado en catro bloques temáticos clave, pensados para ofrecer unha visión completa do ecosistema da industria de defensa e as súas oportunidades:
Ecosistema e estrutura do sector. Entender como está organizado o sector de defensa, os seus actores públicos e privados, e os mecanismos de gobernanza.
Instrumentos de financiamento e oportunidades de negocio. Coñecer os principais mecanismos de financiamento e modelos de acceso a contratos e programas estratéxicos.
Xestión de programas e contratos. Ferramentas operativas para xestionar contratos e proxectos dentro dunha contorna altamente regulada.
Innovación e colaboración empresarial. Casos prácticos e estratexias para fomentar a innovación, cooperación e crecemento empresarial no sector.
Panel docente de alto nivel
O Programa Executivo conta con expertos profesionais do sector institucional e empresarial, con ampla experiencia en defensa, financiamento e xestión de programas. A participación destes docentes achega un enfoque práctico e actualizado que facilita a comprensión dos retos e oportunidades reais no sector.
Como inscribirse
As empresas e profesionais interesados deben presentar a súa solicitude a través da landing do programa.
O prezo total do programa é de 4.400 €, e grazas ao apoio da Xunta de Galicia, o importe bonificado a abonar polo participante é de 660 €.
As empresas vinculadas ao ecosistema BFAero poderán beneficiarse de condicións especiais na matrícula, reforzando o acceso a esta formación estratéxica.
Formación clave para o crecemento empresarial
Este programa representa unha oportunidade única para empresas e profesionais do sector aeroespacial e tecnolóxico que desexen mellorar as súas capacidades, ampliar a súa rede e acceder a novas oportunidades de negocio na industria da defensa. Aproveita o último día para rexistrarte e formar parte desta iniciativa estratéxica.
O prazo de presentación de solicitudes está aberto ata o 13 de maio ás 14:00 h, ou ata o esgotamento do crédito dispoñible. A tramitación debe realizarse de forma electrónica a través do procedemento IN519G.
Facilitar o acceso á cadea de subministración en defensa e seguridade
A convocatoria ten como obxectivo apoiar ás empresas galegas na implementación de accións crave para o seu posicionamento nos ámbitos da defensa e a seguridade. En concreto, financia actuacións como:
A primeira inscrición no Rexistro de Empresas da Dirección Xeral de Armamento e Material (DGAM).
A elaboración de propostas técnicas para participar en convocatorias nacionais ou europeas de defensa.
A homologación técnica de sistemas e produtos, mediante ensaios e probas en laboratorios acreditados.
A tramitación de habilitacións e autorizacións de seguridade ante o CNI, tanto de empresa (HSEM) como de establecemento (HSES).
A implantación de sistemas de xestión de calidade conforme a normas PECAL/AQAP, incluíndo consultoría e certificación.
O obxectivo final é preparar ás empresas galegas para avanzar ou diversificarse ata converterse en subministradoras de bens e servizos nos sectores de seguridade e defensa, facilitando a súa integración en programas industriais estratéxicos.
Ata 75.000€ por beneficiario
A axuda concédese en réxime de concorrencia non competitiva e cobre ata o 80 % do importe subvencionable, cun máximo de 75.000 euros por beneficiario. O orzamento mínimo esixido por actuación é de 3.000 euros.
Entre os conceptos subvencionables inclúense servizos de asesoramento e consultoría especializada, asistencia técnica, ensaios e probas de laboratorio, auditorías e certificacións en normas específicas, formación obrigatoria e taxas públicas.
Ademais, poderase solicitar un anticipo de ata o 25 % da subvención concedida, previa constitución de garantía. Os gastos poderán executarse ata novembro de 2026 ou ata outubro de 2027, segundo a anualidade correspondente.
Poderán beneficiarse empresas privadas con personalidade xurídica que desenvolvan actividade económica e dispoñan de centro de traballo en Galicia, sempre que inicien os pasos necesarios para a súa diversificación en materia de defensa e seguridade mediante as certificacións, homologacións ou habilitacións esixidas.
Neste contexto, a Guía de Certificacións en Seguridade, Defensa e Aeroespacio 2026 convértese nunha ferramenta complementaria clave. O documento permite comprender o papel das certificacións nos distintos elos da cadea de valor e facilita a planificación estratéxica das empresas que queiran acollerse á axuda IN519G, ofrecendo unha visión clara sobre requisitos, estándares e relacións entre normativas.
Oportunidade estratéxica para o ecosistema BFAero
Para as startups e empresas vinculadas á Business Factory Aero (BFAero), esta convocatoria representa unha oportunidade estratéxica para reforzar o seu posicionamento competitivo e avanzar en procesos de certificación e homologación imprescindibles en sectores de alta esixencia tecnolóxica.
A apertura da axuda IN519G e a dispoñibilidade de ferramentas como a Guía de Certificacións consolidan así unha contorna favorable para que o ecosistema galego continúe crecendo e posicionándose como referente en seguridade, defensa e aeroespacio.
Para ofrecer las mejores experiencias, utilizamos tecnologías como las cookies para almacenar y/o acceder a la información del dispositivo. El consentimiento de estas tecnologías nos permitirá procesar datos como el comportamiento de navegación o las identificaciones únicas en este sitio. No consentir o retirar el consentimiento, puede afectar negativamente a ciertas características y funciones.
Funcional
Sempre activo
El almacenamiento o acceso técnico es estrictamente necesario para el propósito legítimo de permitir el uso de un servicio específico explícitamente solicitado por el abonado o usuario, o con el único propósito de llevar a cabo la transmisión de una comunicación a través de una red de comunicaciones electrónicas.
Preferencias
El almacenamiento o acceso técnico es necesario para la finalidad legítima de almacenar preferencias no solicitadas por el abonado o usuario.
Estadísticas
El almacenamiento o acceso técnico que es utilizado exclusivamente con fines estadísticos.El almacenamiento o acceso técnico que se utiliza exclusivamente con fines estadísticos anónimos. Sin un requerimiento, el cumplimiento voluntario por parte de tu proveedor de servicios de Internet, o los registros adicionales de un tercero, la información almacenada o recuperada sólo para este propósito no se puede utilizar para identificarte.
Marketing
El almacenamiento o acceso técnico es necesario para crear perfiles de usuario para enviar publicidad, o para rastrear al usuario en una web o en varias web con fines de marketing similares.
